کراچی (اسٹاف رپورٹر) متحدہ قومی موومنٹ کی رابطہ کمیٹی کے رہنماء فاروق ستار نے پریس کانفرنس کرتے ہوئے کہا کہ بلدیاتی الیکشن میں شکست پرپیپلزپارٹی پریشان ہے، پی پی کےساتھ بات چیت کے لیے تیار ہیں لیکن اگر ہمارے مینڈیٹ کو توڑنے کی کوشش کی توعوام مشتعل ہوجائیں گے۔ انہوں نے مزید کہا کہ اے کے ڈی افسران کی گرفتاری کی مذمت کرتے ہیں، کراچی اسٹاک ایکسچینج کے خلاف سازش ہورہی ہے، اے کے ڈی سکیورٹیز پر بغیر کسی وجہ کے چھاپہ مارا گیا ہے، کراچی کے تاجروں اور صنعت کاروں کو نشانہ بنایا جارہا ہے۔