کراچی (ڈیسک) ملک کی مایہ ناز پاپ گلوکارہ نازیہ حسن کو ہم سے بچھڑے 23برس بیت گئے مگر وہ آج بھی چاہنے والوں کی یادوں میں زندہ و جاوید ہیں۔
نازیہ حسن کی 23ویں برسی آج 13اگست بروز اتوار کو منائی گئی۔
نازیہ حسن نے اپنے موسیقی کے کیریئر کا آغاز دس سال کی عمر میں ’’آپ جیسا کوئی میری زندگی میں آئے‘‘ گا کر کیا۔
اس گانے سے ان کو بین الاقوامی شہرت ملی، انہیں کئی قومی اور بین الاقوامی اعزازات سے نوازا گیا جن میں پاکستان کا اعلی ترین سول ایوارڈ پرائیڈ آف پرفارمنس بھی شامل ہے۔
نازیہ حسن 2000میں35سال کی عمر میں پھیپھڑوں کے کینسر سے انتقال کر گئیں۔