کراچی (اسٹاف رپورٹر) رینجرز نے شہر کے مضافاتی علاقے میں کارروائی کرکے لیاری گینگ وار کے سرغنہ عزیر بلوچ کو گرفتار کرلیا ہے۔
رینجرز کے ترجمان کے مطابق عزیر بلوچ کو کراچی میں داخل ہوتے ہوئے حراست میں لیا گیا، ملزم قتل، اقدامِ قتل اور بھتہ خوری سمیت انتہائی سنگین نوعیت کے جرائم کے مقدمات میں مطلوب تھا۔
عزیر بلوچ کراچی آپریشن شروع ہونے کے بعد سے ملک سے فرار ہوگئے تھے تاہم حکومت کی جانب سے ملزم کے خلاف ریڈوارنٹ جاری کیے گئے تھے۔
