نیویارک (ویب ڈیسک) میڈیا کی دنیا کے بے تاج بادشاہ 84 سالہ روپرٹ مُرڈوک 59سالہ سابق سپرماڈل جیری ہال سے منگنی کرلی ہے اور جلد ہی شادی کے بندھن میں بندھنے والے ہیں۔ ان دونوں کی جوڑٰی کو دنیا کی چوتھی بااثر ترین جوڑی قرار دیا جارہا ہے۔

یہ جوڑی امریکہ، برطانیہ اور آسٹریلیا میں بڑے میڈیا گھروں کے مالک ہیں۔ ان کی شادی میں دنیا کے بڑے بڑے لیڈر شامل ہونے کا امکان ہے۔ چوراسی سالہ روپرٹ مرڈاک اور 59 سالہ جیری ہال کی منگنی کی ایک عالمی خبر کا درجہ حاصل کر چکی ہے۔

روپرٹ مرڈاک کی یہ چوتھی شادی ہوگی اور ان کے چھ بچے ہیں۔ جیری ہال کی یہ پہلی شادی ہوگی البتہ ان کے اپنے سابق پارٹنر جیگر سے 1977ء سے 1999ء تک کی ریلیشن شپ رہی اور دونوں کے چار بچے بھی ہیں۔

روپرٹ اور جیری کے تعلقات کا انکشاف اس وقت ہوا جب دونوں گزشتہ برس اکتوبر میں رگبی ورلڈ کپ کا فائنل میچ دیکھنے گئے تھے۔

واضح رہے کہ روپرٹ مُرڈوک گلوبل میڈیا کپمنی نیوز کارپوریشن کے سی ای او ہیں، نیوز کارپوریشن کو دنیا کی دوسری بڑی کمپنی قرار دیا جاتا ہے۔ 20سینچری فوکس، روپرٹ مُرڈوک کی نیوز کارپوریشن وال اسٹریٹ جرنل، ہارپرکلس جیسی بڑی کمپنیوں سمیت 50ممالک میں 800 کمپنیوں سے زائد کی مالک ہے۔