کراچی (ڈیسک) قومی کرکٹ ٹیم کے کپتان بابر اعظم نے کہا ہے کہ بطور کھلاڑی ہمارا کام کرکٹ کے میدان میں اپنی کارکردگی دکھانا ہے، ایک پروفیشنل کھلاڑی کو بورڈ میں تبدیلیوں سے فرق نہیں پڑتا۔ وہ میڈیا کے نمائندوں سے پریس کانفرنس کے دوران بات چیت کر رہے تھے۔
کپتان بابر اعظم کا کہنا تھا کہ ٹیم میں نئے کھلاڑیوں کی شمولیت پر مجھ سے مشاورت کی گئی ہے، امید ہے کہ چیف سلیکٹرز سے بات چیت کے بعد کھلاڑیوں کے حتمی نام سامنے آ جائیں گے۔ ہماری کوشش ہو گی کہ سیریز کا آغاز اچھا کریں۔ ہماری ٹیم متحد ہے، ٹیم میں یونٹی ہے، ایک دوسرے کو بھرپور سپورٹ کرتے ہیں، آئندہ بھی کریں گے۔
، ایک سوال کے جواب میں انھوں نے بتایا کہ گرائونڈ سے باہر بیٹھ کر لگتا ہے کہ ایسا کر لیتے تو ویسا ہو جاتا، یا ایسا کر لیں، ویسا کر لیں۔ لیکن گرائونڈ کے اندر پوزیشن بالکل مختلف ہوتی ہے، میدان میں مخالف ٹیم کی پوزیشن دیکھ کر حکمت عملی اپنائی جاتی ہے۔
بابر اعظم نے بتایا کہ انگلینڈ کے خلاف بہتر سے بہتر ٹیم کھلائی ، بہرحال میچ میں ایک چھوٹی سی غلطی پانسہ پلٹ دیتی ہے۔