کراچی (ڈیسک) شہر قائد کے پانچ اضلاع میں کل بروز اتوار بلدیاتی انتخابات منعقد ہوں گے۔
کراچی کے ضلع ملیر، کیماڑی اور ضلع جنوبی میں چیئرمینز کا انتخاب عمل میں لایا جائے گا۔
اسی طرح ضلع ملیر اور ضلع جنوبی میں وائس چیئرمینز کے لیے ووٹنگ ہو گی۔
دوسری جانب ضلع ملیر، شرقی اور وسطی میں وارڈ ممبران کی نشستوں پر ووٹ ڈالے جائیں گے
الیکشن کمیشن سندھ کے مطابق ضمنی بلدیاتی انتخابات کے لیے کل 121پولنگ اسٹیشن قائم کر دیے گئے ہیں۔
ذرائع کے مطابق ضلع ملیر میں 46، ضلع شرقی میں 3 اور ضلع کیماڑی میں17 پولنگ اسٹیشنز بنائے گئے ہیں جب کہ ضلع وسطی میں7 اور ضلع جنوبی 48 پولنگ اسٹیشنز بنائے گئے ہیں۔