کراچی (ڈیسک) تعلیمی اداروں میں منشیات سپلائی کرنے والا 7رکنی گروہ پکڑا گیا ملزمان میں تین خواتین بھی شامل ہیں.

اتحاد ٹاؤن پولیس کے مطابق حساس اداروں کی رپورٹ کے بعد کارروائی کرتے ہوئے مکان پر چھاپے کے دوران منشاء ولد اللہ خان، مسماۃ اسلام بی بی زوجہ میرا خان، سلمان شہزاد ولد صنوبر خان، فاطمہ ثریا دختر محمد یونس، ثناء بی بی زوجہ منشاء، اکرام ولد مجید اور رئیس ولد منشاء کو گرفتار کرکے 7 کلو چرس، 190 گرام آئس، 2 لاکھ روپے زرفروختگی برآمدکرلی گئی، پولیس کے مطابق ملزمان کا گروہ اسکول کالجز اور شہر کے متعدد علاقوں میں چرس، آئس کی سپلائی میں ملوث ہیں جن کے خلاف پہلے بھی 56 مقدمات درج ہیں، پولیس نے ملزمان کے خلاف اینٹی نارکوٹکس ایکٹ کے تحت مقدمات درج کرکے مزید تفتیش شروع کردی ہے.