کراچی (نیوز ڈیسک) کراچی پریس کلب کے سالانہ انتخابات برائے 2024میں دی ڈیموکریٹس پینل نے کلین سویپ کیا۔
پریس کلب میں ہفتہ کی صبح 9 بجے سے شام 5 بجے تک ہونے والی پولنگ میں ممبران کی بڑی تعداد نے حصہ لیا۔
الیکشن کمیٹی کے سربراہ ڈاکٹر توصیف احمدخان نے کراچی پریس کلب میں نتائج کا اعلان کیا۔
نتائج کے مطابق صدر کے عہدے پر دی ڈیموکریٹس پینل کے سعید سربازی 845 ووٹ لیکر منتخب ہوئے جبکہ ان کے مدمقابل آفتاب حسین نے 110 ووٹ حاصل کیے۔
سیکریٹری کے عہدے پرشعیب احمد 843ووٹ لیکر منتخب ہوئے جبکہ ان کے مدمقابل عارف خان نے 96 ووٹ حاصل کیے۔
نائب صدر کے عہدے پر عبدالرشید میمن نے 758 ووٹ، خازن کے عہدے پر احتشام سعید قریشی نے 806 ووٹ، جوائنٹ سیکریٹری کے عہدے پرمحمد منصف نے 726ووٹ لیکر کامیابی حاصل کی۔
گورننگ باڈی کی 7 نشستوں پر شمس کیریو 781، مونا صدیقی 731، شازیہ حسن 724، نواب قریشی 711، شعیب احمد 670، رانا جاوید 617 اور نور محمد کلہوڑو 652 ووٹ لے کر کامیاب قرار پائے۔
انتخابات میں دی ڈیموکریٹس، آزاد پینل اور دی جرنلسٹ پینل کے امیدواروں کے درمیان مقابلہ تھا۔
پریس کلب کے انتخابات میں 1503 رجسٹرڈ ممبران ووٹرز میں سے 979 ممبران نے حق رائے دہی استعمال کیا۔