کراچی (نیوز ڈیسک) پاکستان کے 78 ویں یوم آزادی کی خوشی میں کی جانے والی ہوائی فائرنگ کے نتیجے میں 70 افراد زخمی ہوگئے۔
ریسکیو ذرائع کے مطابق زخمیوں میں بچے اور 2 خواتین بھی شامل ہیں، زخمیوں کو مختلف اسپتالوں میں منتقل کردیا گیا۔
ریسکیو ذرائع کے مطابق ہوائی فائرنگ کے واقعات ماڑی پور روڈ، پی آئی بی کالونی، پرانا گولیمار اور کورنگی، جمشید کوارٹر، گلشن اقبال، لیاری، ملیر 15 سمیت دیگر علاقوں میں پیش آئے۔
ہوائی فائرنگ سے زخمی ہونے والے افراد کو تینوں سرکاری اسپتالوں میں پہنچایا گیا۔
کراچی میں جشن آزادی پر ہوائی فائرنگ سے 70 افراد زخمی
