کراچی (نیوز ڈیسک) محکمہ موسمیات نے ملک کے مختلف شہروں میں آج بارش کی پیش گوئی کردی۔
محکمہ موسمیات کے مطابق آج کراچی، اسلام آباد، لاہور، گجرات، فیصل آباد کے علاوہ بلوچستان اور خیبرپختونخوا کے بعض شہروں میں بارش کا امکان ظاہر کیا ہے۔
محکمہ موسمیات کا کہنا ہےکہ کراچی میں آج شام یا رات جبکہ عمرکوٹ، تھرپارکر، میرپورخاص، مٹھی، سانگھڑ، ٹھٹھہ، بدین اورسجاول میں بھی بارش ہوسکتیہے۔
علاوہ ازیں گلگت بلتستان اور کشمیر میں بھی آج بارش کا امکان ہے۔
پی ڈی ایم اے نے پنجاب میں آج سے مون سون کا چوتھا اسپیل شروع ہونے کی پیش گوئی کی ہے جبکہ جنوبی پنجاب میں کل سے بارش کا امکان ظاہر کیا گیا ہے۔
یاد رہے کہ کراچی کے کچھ علاقوں میں گزشتہ روز بھی طوفانی بارش ہوئی تھی۔