اسلام آباد (ڈیسک) گزشتہ چوبیس گھنٹوں کے دوران ملک بھر میں صرف 62افراد میں کورونا وائرس کی تصدیق ہوئی۔

مثبت کیسز کی شرح 0.28 رہی۔ منگل کو قومی ادارہ صحت کی جانب سے جاری ٹویٹ میں شیئر کئے گئے اعدادوشمار کے مطابق گزشتہ 24 گھنٹوں کے دوران 21ہزار 437کورونا ٹیسٹ کئے گئے۔ جن میں سے 62افراد کے کورونا ٹیسٹ مثبت آئے ہیں۔ اس طرح گزشتہ 24 گھنٹوں میں کئے گئے کورونا ٹیسٹوں کی مثبت کی شرح 0.28 فیصد رہی ہے۔ مزید برآں اس دوران کورونا وائرس کی وجہ سے جاں بحق ہونے والوں کی تعداد 01ریکارڈ کی گئی ہے. جبکہ 269مریضوں کی حالت تشویشناک بیان کی جاتی ہے۔