ریاض (ڈیسک) سربراہ پی ایم ایل ن نواز شریف لندن سے سعودی عرب پہنچ گئےجہاں ان کا پرتپاک استقبال کیا گیا۔
سابق وزیر اعظم وطن واپس آنے کے لیے لندن سے سعودی عرب پہنچ گئے۔
سعودی عرب روانگی کیلئے نوازشریف لندن کی ایون فیلڈ رہائش گاہ سے ہیتھرو ائیرپورٹ پہنچے تھے جہاں پاکستانی ہائی کمشنر ڈاکٹر محمد فیصل نے نواز شریف کا استقبال کیا تھا۔
نواز شریف کو الوداع کہنے کیلئے ن لیگی کارکنوں کی بڑی تعداد ایون فیلڈ کے باہر پہنچی ہوئی تھی۔
نواز شریف سعودی ائیرلائن کی پرواز ایس وی 116سے جدہ پہنچے، مسلم لیگ ن کے رہنما و رفقاء بھی ان کے ہمراہ سعودی عرب پہنچ گئے۔
سعودی ائیر لائن کی پرواز لندن کے ہیتھرو ائیرپورٹ سے روانہ ہوئی اور مقامی وقت کے مطابق رات 12بجے جدہ انٹرنیشنل ائیرپورٹ پر پہنچی۔
نوازشریف سعودی عرب میں کچھ دن قیام کریں گے جس کے بعد دبئی روانہ ہوں گے۔
دبئی سے 21اکتوبر کو خصوصی طیارے کے ذریعے پاکستان پہنچیں گے۔