ممبئی (ڈیسک)بالی وڈ اداکار عامر خان نے کہا ہے کہ اداکار امیتابھ بچن کے ساتھ فلم ’’ٹھگز آف ہندوستان‘‘ میں اداکاری، ڈانس اور ایکشن کرنا ان کے لئے دیوالی جیسا ہے۔

 بھارتی ذرائع ابلاغ کے مطابق اداکار عامر خان نے انسٹاگرام پر امیتابھ بچن کے ساتھ اپنے کام کے تجربے کے متعلق آگاہ کرتے ہوئے کہا ہے کہ پہلی بار میگا سٹار کے ساتھ فلم میں کام کرنا میرے لئے بہت خوشی کا باعث ہے، ان کے ساتھ نہ صرف اداکاری، ڈانس بلکہ ایکشن کرنا میرے لئے دیوالی جیسا ہے۔ فلم میں اداکارہ کترینہ کیف اور فاطمہ ثناء شیخ بھی شامل ہیں جو 8 نومبر کو ریلیز کی جائے گی۔