برلن (ڈیسک) جرمنی سے تعلق رکھنے والے مشہور پروفیشنل گیمر کیرل ایسن برینر نے 19 سال کی عمر میں خودکشی کرلی۔
غیرملکی میڈیا کے مطابق وہ ”ٹوئسٹن “ کے نام سے مشہور تھے ۔
انہوں نے آخری ٹوئٹ میں”گُڈ نائٹ “لکھا جسے اب تک 56 لاکھ سے زائد بار دیکھا جا چکا ہے جبکہ سیکڑوں لوگوں نے اسے پسند بھی کیا۔
رپورٹس کے مطابق ”ٹوئسٹن“ نے حال ہی میں انکشاف کیا تھا کہ وہ ڈپریشن کی بیماری میں مبتلا ہونے کے باعث نفسیاتی اسپتال میں وقت گزار چکے ہیں۔
Good night
— Twisten (@TwistenVAL) June 6, 2023
انہوں نے فروری میں بتایا تھا کہ وہ 2 سال سے ڈپریشن کی بیماری میں مبتلا ہیں۔
غیرملکی میڈیا کے مطابق کیرل ایسن برینر کی خودکشی کرنے کی وجوہات فی الحال سامنے نہیں آئی ہیں۔
