اسلام آباد (نیوز ڈیسک) پارلیمنٹ کا مشترکہ اجلاس کل سہ پہر 4 بجے ہو گا۔
صدر مملکت آصف علی زرداری پارلیمانی سال کے آغاز پر اجلاس سے خطاب کریں گے۔
صدر مملکت کا خطاب آئینی تقاضہ اور پارلیمانی روایت ہے۔
پاکستان کی سولہویں قومی اسمبلی کے وجود میں آنے کے بعد یہ پارلیمنٹ کا پہلا مشترکہ اجلاس ہوگا۔
روایت کے مطابق مشترکہ اجلاس میں تینوں مسلح افواج کے سربراہان، وزرائے اعلیٰ اور گورنر شریک ہوتے ہیں۔
پارلیمنٹ کے مشترکہ اجلاس میں سفراء اور اہم شخصیات کی شرکت اور خطاب کی بھی روایت ہے۔