اسلام آباد (نیوز ڈیسک) صدر مملکت آصف علی زرداری نے کہا ہے کہ پوری قوم مل کر دہشت گردی کا مقابلہ کرے گی اور شرپسند عناصر کا جڑ سے خاتمہ کیا جائے گا۔
کراچی کے علاقے لانڈھی میں خود کُش دھماکے اور فائرنگ کی مذمت کرتے ہوئے انہوں نے دہشت گردوں کے خلاف پولیس کی بروقت کارروائی کو سراہا۔
جمعےکو ایوان صدر کے پریس ونگ سے جاری بیان کے مطابق صدر مملکت نے کہا کہ پولیس کی بروقت کارروائی نے بڑے جانی نقصان سے بچالیا۔