کراچی (ڈیسک) سندھ حکومت نے ملیر میں زرعی یونیورسٹی کا کیمپس کھولنے کا فیصلہ کرلیا ہے۔ ذرائع کے مطابق وزیراعلیٰ سندھ سید مراد علی شاہ کو ٹنڈوجام زرعی یونیورسٹی کے وائس چانسلر فتح مری نے خط لکھا ۔ ذرائع کا کہنا ہے کہ وزیراعلیٰ سندھ نے فتح مری کی درخواست پر ملیر میں زرعی یونیورسٹی کا کیمپس کھولنے سے متعلق سیکریٹری جامعات سے پروپوزل طلب کرلیا ہے۔ ذرائع کے مطابق ملیر میں زرعی یونیورسٹی کا کیمپس قائم کرنے کے پروپوزل کی جلد منظوری کا امکان ہے۔