کراچی (نیوز ڈیسک) متحدہ قومی موومنٹ اور پاک سرزمین پارٹی کے سابق رہنما رضا ہارون اور انیس خان ایڈووکیٹ نے پاکستان پیپلز پارٹی میں شمولیت اختیار کرلی۔
ایم کیوایم کے سابق رہنما انیس ایڈووکیٹ اور رضا ہارون لندن سے کراچی آمد پر سابق صدر مملکت آصف علی زرداری سے ملاقات کے بعد ساتھیوں سمیت پاکستان پیپلز پارٹی میں شامل ہوئے۔
سابق صدر آصف علی زرداری نے انیس ایڈووکیٹ اور رضا ہارون کو پی پی پی میں شمولیت پر خوش آمدید کہا۔
اس موقع پررہنماؤں کے درمیان شہر قائد کی ترقی، خوشحالی، قیام امن اور مفاہمتی ماحول کے فروغ کے حوالے سے چارٹر آف کراچی پر بھی تبادلہ خیال ہوا۔
صدر پاکستان پیپلزپارٹی پارلیمنٹرینز اور سابق صدر مملکت آصف علی زرداری سے ملاقات کے بعد ایم کیوایم کے سینئر رہنما انیس ایڈووکیٹ اور رضا ہارون ساتھیوں سمیت پی پی پی میں شامل@AAliZardari
— PPP (@MediaCellPPP) December 29, 2023
مزید پڑھیں: https://t.co/26lr6luHO3 pic.twitter.com/B5pD531LEl
واضح رہے کہ رضا ہارون اور انیس خان ایڈووکیٹ نے 2016 میں ایم کیوایم چھوڑ کر پاک سرزمین پارٹی میں شمولیت اختیار کی تھی ۔
یاد رہے کہ 2018 کے انتخابات کے بعد سے دونوں رہنما سیاست میں سرگرم نہیں تھے۔
