لاہور (ڈیسک) قومی کرکٹ ٹیم کے سابق فاسٹ بولر، بیٹر عبدالرزاق نے حال ہی میں ہونے والے پی ایس ایل 8کے ایک میچ میں کھلاڑیوں کی کارکردگی پر سوال اٹھایا ہے۔
عبدالرزاق کا کہنا تھا کہ پشاور کے 3کھلاڑیوں نے 14گیندیں کھیل کر 8رنز بنائے، یہ کس قسم کی کرکٹ ہے، ہم پاکستانی ایسی کرکٹ نہیں دیکھنا چاہتے۔
نجی ٹی وی کے ایک پروگرام میں پاکستانی شو بز اور کرکٹ سے تعلق رکھنے والی شخصیات نے گفتگو کی۔
سابق آل رائونڈر نے یہ بھی کہا کہ بابر اعظم ہمارے جونیئر ہیں، وہ پاکستان ٹیم کے کپتان ہیں، ہم ان کی بہت قدر کرتے ہیں مگر بابر اعظم کو اپنے اندر تبدیلی لانا ہو گی۔
کرکٹر یاسر شاہ نے بات چیت میں حصہ لیتے ہوئے کہا کہ آئندہ پی ایس ایل میں گلگت بلتستان کی ٹیم بھی حصہ لے سکتی ہے۔
پاکستانی شوبز کی معروف اداکارہ مریم نفیس نے بھی گفتگو میں حصہ لیا۔