اسلام آباد (ڈیسک) اداکارہ ماہرہ خان کو بزنس مین سلیم کریم کے ساتھ دوسری شادی کے بعد نئی زندگی کے آغاز پر شادی کی مبارک بادیں موصول ہونے کا سلسلہ جاری ہے۔
اداکارہ کو صرف پاکستان سے ہی نہیں بلکہ سرحد پار پڑوسی ملک بھارت سے بھی شادی کی مبارک بادیں موصول ہو رہی ہیں۔
ماہرہ خان کو سوشل میڈیا پر بالی ووڈ اداکاروں ریتک روشن، مونی روئے، ملائیکا اروڑا، سنجے کپور، سونم کپور، زرین خان، سنجیدہ شیخ، سدھارتھ ملہوترا، دیا مرزا نے شادی کی مبارک باد دیتے ہوئے ان کی ازدواجی زندگی کے لیے اپنی نیک خواہشات کا اظہار کیا۔
