اسلام آباد(ڈیسک)اقوام متحدہ کے چار ذیلی اداروں نے اپنی ایک رپورٹ میں متنبہ کیا ہے کہ کورونا وائرس کی وبا کی وجہ سے ایشیا بحرالکاہل کے خطے میں 350 ملین افراد کو خوراک کی کمی کا سامنا کرنا پڑ سکتا ہے۔
علاوہ ازیں کورونا وائرس کی وبا کی وجہ سے 1.9 ارب افراد کو تندرست غذا کے بندوبست میں بھی مشکلات کا سامنا ہے۔ رپورٹ میں یہ انکشاف بھی کیا گیا ہے کہ کورونا کی وجہ سے 140 ملین افراد غربت کی لکیر سے نیچے چلے گئے ہیں۔ متاثرین میں سب سے زیادہ تعداد جنوبی ایشیائی ممالک کے شہریوں کی ہے۔