اسلام آباد(ڈیسک)سوئی ناردرن گیس پائپ لائنزلمیٹڈ (ایس این جی پی ایل) نے گیس پائپ لائن کی منتقلی کے باعث کل 11 مئی کو گیس بندش کا اعلان کردیا ہے۔

ایس این جی پی ایل کی طرف سے جاری اعلامیہ کے مطابق ایس ایم ایس جنرل انڈسٹریز لاہور روڈ شیخوپورہ پر مین گیس پائپ لائن کی منتقلی کے باعث گیس 11 مئی کی صبح 9 بجے سے 12 بجے تک بند رہے گی۔ اعلامیے کے مطابق مختلف علاقوں خان کالونی،الف ٹاؤن، بدومرادے روڈ، کاہنے گو گاؤں، کاہنے والا، سراج پوری، گرجاکالوجی،چوہدری سٹاپ 31 کلومیٹر بدومرادے ، بال گاؤں، داتانگر، جونیہ والا موڑ، دھوپ سڑی ظفر آباد، بادے دی کوٹیا، شاہین سٹی فیزٹو، شاہین ولاز، بائی پاس فیصل آباد روڈ، ماڈل ٹاؤن شرق پور روڈشیخورہ، ڈیرہ گوپی رائے بدومرادے گاؤں، 525 کے وی گرڈ سٹیشن کالوجی شرق پور روڈ کے علاقوں میں گیس بندرہے گی۔ایس این جی پی ایل حکام نے ہدایت کی کہ مذکورہ علاقوں کے صارفین متبادل انتظامات کر لیں اور کسی بھی قسم کے ممکنہ حادثے سے بچنے کے لئے گیس کی بندش کے دوران گیس آلات بند رکھیں۔