کراچی (ڈیسک) سندھ پولیس میں تقرریوں اور تبادلوں کی منظوری دے دی گئی ہے۔
الیکشن کمیشن آف پاکستان نے سندھ پولیس میں تقرر اور تبادلوں کی منظوری دے دی۔
ایڈیشنل سیکریٹری ایس اینڈ جی اے ڈی سندھ نے الیکشن کمیشن کو پولیس افسران کے تبادلوں کی تجویز پیش کی تھی جسے ای سی پی نے تسلیم کر لیا۔
الیکشن کمیشن کی جانب سے منظوری کے بعد سندھ پولیس کے ایک ایڈیشنل آئی جی، 8 ڈی آئی جیز، 31 ایس ایس پیز اور ایس پیز کے تبادلوں اور تقرریوں کی منظوری مل گئی۔
ایڈیشنل آئی جی خادم حسین کو اسپیشل برانچ سے تبادلہ کر کے ایڈیشنل آئی جی کراچی تعینات کرنے کی منظوری دے دی گئی ہے۔
اسد رضا کو ڈی آئی جی ساؤتھ زون کراچی، عاصم خان کو ڈی آئی جی ویسٹ، کیپٹن ریٹائرڈ غلام اظفر کو ڈی آئی جی ایسٹ تعینات کرنے کی منظوری دی گئی ہے۔
تنویر عالم اوڈھو کو ڈی آئی جی میر پور خاص، طارق رزاق کو ڈی آئی جی حیدر آباد، پرویز چانڈیو کو ڈی آئی جی شہید بے نظیر آباد، عبد الحمید کھوسو کو ڈی آئی جی سکھر، جاوید جسکانی کو ڈی آئی جی لاڑکانہ تعینات کرنے کی منظوری دی گئی ہے۔