برلن (ڈیسک) پاکستان کے سیف اللہ سولنگی نے جرمنی کے شہر برلن میں جاری اسپیشل اولمپکس ورلڈ گیمز میں پاور لفٹنگ کے مقابلوں میں4 میڈلز جیت لیے۔
سیف اللہ سولنگی نے بیک اسکواٹ میں 90 کلو وزن اٹھا کر دو گولڈ میڈل جیتے۔
ڈیڈ لفٹ میں 115 کلوگرام وزن اٹھا کر ایک طلائی تمغہ اور پھر کمبائنڈ میں 245 کلوگرام وزن اٹھا کر چاندی کا تمغہ حاصل کیا۔
انہوں نے 40 کلوگرام بینچ پریس میں کانسی کا تمغہ بھی جیتا تھا۔
واضح رہے کہ اسپیشل اولمپکس ورلڈ گیمز میں اسپیشل اولمپکس پاکستان نے 33 خواتین اور 54 مرد وں پر مشتمل 87 کھلاڑیوں کو میدان میں اتارا ہے جو 11 کھیلوں میں حصہ لے رہے ہیں۔
پاکستان ٹینس، ہاکی، پاور لفٹنگ، بوکس، فٹسال، بیڈمنٹن، باسکٹ بال، ایتھلیٹکس، سائیکلنگ اور تیراکی کے مقابلوں میں حصہ لے گا۔