کراچی (نیوز ڈیسک) پاکستانی اداکارہ منال خان کے گھر پہلے بیٹے کی پیدائش ہوگئی۔
اداکارہ اور ان کے شوہر احسن محسن اکرام نے بدھ کی سہ پہر انسٹاگرام پر شیئر کی گئی پوسٹ میں مداحوں کو بیٹے کی پیدائش سے مطلع کیا۔
منال اور احسن کے ہاں بدھ کی صبح 10 بج کر 48 منٹ پر ننھے مہمان کی آمد ہوئی جس کا نام ”محمد حسن اکرام“ رکھا گیا ہے۔
شیئر کردہ پوسٹ میں انھوں نے مداحوں سے دعاؤں کی اپیل بھی کی ہے۔
منال خان کی پوسٹ پر معروف شوبز شخصیات کمنٹس کررہی ہیں اور جوڑے کو مبارکباد دے رہی ہیں۔
مداحوں کی جانب سے احسن، منال اور ان کے ننھے مہمان کے لیے نیک خواہشات کا اظہار کیا جارہا ہے۔
