راولپنڈی (ڈیسک)فوجی عدالتوں سے سزا پانے والے چار دہشتگردوں کو تختہ دار پر لٹکا دیا گیا ۔سزا پانے والےچاروں دہشتگردوں کا تعلق ٹی ٹی پی سے تھا ۔

آئی ایس پی آ رکے مطابق فوجی عدالتوں سے سزایافتہ چار دہشتگردوں کو تختہ دات پر لٹکا دیا گیا ہے ،چاروں دہشتگردوں کا تعلق کالعدم تحریک طالبان پاکستان سے تھا ۔چاروں دہشتگرد سیکیورٹی فورسز ،تعلیمی اداروں اور سید و شریف ائیرپورٹ پر حملے میں ملوث تھے ، چاروں ٹی ٹی پی کے فعال کارکن تھے۔ سزا پانے والے دہشت گردوں میں بخت امیر، اصغر خان، محمد نواز اور مشتاق احمد شامل ہیں  اور چاروں نے مجسٹریٹ اور ٹرائل کورٹ میں اپنے جرائم کا اعتراف کیا، تمام قانونی تقاضے پورے ہونے کے بعد فوجی عدالتوں نے دہشت گردوں کو سزائے موت سنائی۔