کراچی (اسٹاف رپورٹر ) ملک کے بیشتر علاقوں میں آج سےتین روزہ انسداد پولیو مہم کا آغازکردیا گیا  ہے  جبکہ کراچی سمیت سندھ بھر میں بھی تین روزہ پولیو مہم شروع کردی گئی ہے  ۔

تفصیلات کے مطابق کراچی  سمیت سندھ بھر میں تین روزہ انسداد پولیو مہم کا آغاز کردیا گیا ہے  جبکہ صوبہ پنجاب کے بیشتر شہروں حافظ آباد،ملتان، فیصل آباد،گجرات،سمیت مختلف شہروں میں 5سال سے کم عمر  کے بچوں کو پولیو کے قطرے پلائے جارہے ہیں ۔

صوبہ خیبرپختونخوا کے ضلع صوا بی میں چار روزہ جبکہ چارسدہ میں تین روزہ انسداد پولیو مہم کا آغاز کیا گیا ہے مہم کے دوران موٹر سائیکل کی ڈبل سواری اور اسلحہ کی نمائش پر پابندی لگائی گئی ہے۔

دوسری جانب خیبرایجنسی میں انسداد پولیو مہم کو 23 جنوری تک ملتوی کردیا گیا ہے جبکہ کوئٹہ سمیت بلوچستان کے 15اضلاع میں مہم برفباری اور موسم کی صورتحال کےپیش نظرملتوی کردی گئی ہے ،  جس کے بعد ملتوی کئے جانے والے علاقوں میں انسدا دپولیو مہم  کا آغآز آئندہ ہفتےسےشروع کردی جائے گی