جھنگ(ڈیسک)وزیر اعظم نواز شریف آج حویلی بہادر شاہ پاور پلانٹ کا افتتاح کریں گے،پلانٹ سے مجموعی طور پر 1230میگاواٹ بجلی پیدا ہو گی۔

ذرائع کے مطابق وزیر اعظم نواز شریف آج حویلی بہادر شاہ پاور پلانٹ کا افتتاح کریں گے ،1230میگاواٹ بجلی پیدا کرنے والے اس منصوبہ پر 55 ارب روپے کی لاگت آئی ہے جس کو چینی اور پاکستانی انجینئرز نے مل کر انتہائی قلیل مدت میں مکمل کیا ہے۔ وزیر اعظم کی طرف سے افتتاح کے بعد اس منصوبہ سے 760 میگاواٹ بجلی سسٹم میں شامل ہو جائے گی جبکہ باقی 470 میگاواٹ بجلی 2018ء میں یہ منصوبہ سسٹم میں داخل کرے گا۔ ایل این جی بیسڈ اس منصوبہ کیلئے باہر سے گیس منگوانے کی غرض سے ہنگامی بنیادوں پر ٹرمینلز کی تعمیر اور پائپ لائنیں بچھانے کا عمل تیزی سے مکمل کیا گیا ہے۔ 2 سال سے بھی کم مدت میں مکمل ہونے والا یہ منصوبہ پیداوار دینے کیلئے تیار ہے۔