اسلام آباد(اسٹاف رپورٹر) عوامی مسلم لیگ کے سربراہ شیخ رشید کہا کہنا ہے کہ پاناما کیس کا ہاتھی وہیں کا وہیں کھڑا ہے۔

سپریم کورٹ کے باہر عوامی مسلم لیگ کے سربراہ شیخ کا میڈیا سے گفتگو کرتے ہوئے کہنا تھا کہ  اگر وزیراعظم اور ان کے بچوں کے وکلا کی جانب سے منی ٹریل نہ بتائی گئی تو پاناما کیس بہت اہم مرحلے میں داخل ہو جائے گا، عدالت کو ابھی تک یہ نہیں بتایا گیا کہ 1980 اور 2006 میں پیسہ کہاں سے آیا، اگر شاہد حامد اور سلمان راجہ نے منی ٹریل نہ بتائی تو پاناما کیس آئندہ ہفتے اہم مرحلے میں داخل ہو جائے گا۔

شیخ رشید کا مزید کہنا تھا کہ قطری شہزادے کے خط کی کوئی حیثیت نہیں ہے اور امید ہے کہ وہ صرف ہوائی باتیں ہیں، رواں ہفتہ عوامی امنگوں کے مطابق کرپشن کے گرد دائرہ تنگ ہوگا۔