لاہور:(ڈیسک) فٹنس  ٹیسٹ   میں نا کام ہو نے پر چیمپئنز  ٹرافی سے   با ہر ہو نے والے وکٹ کیپر بیٹسمین عمر اکمل انگلینڈ سے وطن واپس پہنچ گئے ،

ذرائع کے مطابق عمر اکمل غیر ملکی ائیرلائن کی پرواز ای کے 624 سے لاہور پہنچے اور میڈیا سے گفتگو کیے بغیر گھر روانہ ہوگئے ، عمر اکمل چیمپئنز ٹرافی کے لیے ٹیم کے ساتھ انگلینڈ گئے تھے ، فٹنس ٹیسٹ میں فیل ہونے پر ٹیم منیجمنٹ نے وکٹ کیپر بیٹسمین کو فارغ کردیا تھا ، اس دوران عمر اکمل کی ڈانس ویڈیو بھی منظر عام پر آئی ، جس کے بعد پی سی بی چئیرمین شہریار خان نے یہ بیان دیا کہ عمر اکمل کی حرکتوں سے تنگ ہیں ، عمر اکمل کی جگہ حارث سہیل چیمپئنز ٹرافی میں پاکستان کی نمائندگی کر رہے ہیں