اسلام آباد(اسٹاف رپورٹر)مشیر خارجہ سرتاج عزیز کا کہنا ہے کہ ہم نے تباہی پھیلانے والے ہتھیاروں کے پھیلاؤ کو روکنے میں بین الاقوامی کوششوں میں مثبت کردار ادا کیا اور آئندہ بھی جوہری ٹیکنالوجی کے پرامن استعمال تک آواز اٹھاتے رہیں گے۔

اسپیکرقومی اسمبلی ایاز صادق کی زیر صدارت قومی اسمبلی میں  ہونے والے اجلاس میں مشیر خارجہ سرتاج عزیز نے تحریری جواب  دیتے ہوئے کہا ہے کہ پاکستان نے عالمی برادری میں ایک ذمہ دار ملک کا کردار ادا کیا ہے،پاکستان نےاین ایس جی میں شمولیت کے لیے 2016 میں درخواست دی۔

مشیرخارجہ کا مزید کہنا تھا کہ سندھ طاس معاہدہ پاکستان اور بھارت کے مابین پانی کی تقسیم کا معاہدہ ہے جس پر 1960 سے لے کر اب تک عملدرآمد کیا گیا، لیکن اب بھارت سندھ طاس معاہدے کے تحت اپنی ذمے داریاں پوری نہیں کررہ،ا پاکستان اوربھارت میں مختلف تعمیراتی منصوبوں پر مختلف اختلافات ہیں، تازہ ترین تنازع کشن گنگا اور رتلے ہائیدرو پروجیکٹ کی تعمیر پرسامنے آیا۔