اسلام آباد(ڈیسک)وفاقی وزیر داخلہ چوہدری نثار کا کہنا ہے کہ آئندہ نوٹس دیے بغیر کسی کے شناختی کارڈ بلاک نہیں کریں گے، تین ماہ میں بلاک شناختی کارڈ ز کی تعداد 3 لاکھ 75 ہزار تھی،ساڑھے 3 ہزار افراد نے رضاکارانہ طور پر شناختی کارڈ واپس کیے۔

اسلام آباد میں پریس کانفرنس کرتے ہوئے وفاقی وزیر داخلہ چوہدری نثا ر کا کہنا تھا کہکئی پاکستانیوں کے بھی شناختی کارڈز بلاک ہوئے،تین ماہ میں بلاک شناختی کارڈ ز کی تعداد 3 لاکھ 75 ہزار تھی،دستاویزات پیش کرنے کے بعد یہ شناختی کارڈ مستقل بحال کردیے جائیں گے ،ساڑھے 3 ہزار افراد نے رضاکارانہ طور پر شناختی کارڈ واپس کیے ،33ہزار پاسپورٹ منسوخ کرچکے ہیں ایک کی بھی اپیل نہیں آئی۔