اسلام آباد (اسٹاف رپورٹر)الیکشن کمیشن کے نئے تقرر کردہ ارکان نے صدر مملکت کی منظوری کے بعد عہدوں کا حلف اٹھا لیا ہے۔

تفصیلات کے مطابق تفصیلات کے مطابق اسلام آباد میں الیکشن کمیشن کے نئے تقرر کردہ ارکان کے عہدوں کے حلف کے لئے ایک تقریب کا انعقاد کیا ۔

تقریب میں چیف الیکشن کمشنر  سردار محمد رضا نے نو منتخب ممبران الیکشن کمیشن  سے عہدوں کا حلف لیا حلف برادری کے بعد الیکشن کمیشن مکمل فعال ہو چکا ہے ۔

پنجاب   سے الطاف ابراہیم ،سندھ سے عبدا لغفار سومرو،بلوچستان سے شکیل بلوچ جبکہ کے پی کے سے خاتون ممبر ارشاد قیصر نے حلف اٹھایا ۔

واضح رہے کہ الیکشن کمیشن کے 4 ارکان رواں سال 12جون کو ملازمت کی مدت پوری ہونے باعث ریٹائر ڈہو چکے تھے تاہم نئے ارکان نے عہدوں کا حلف اٹھانے کے بعد عہدے سنبھال لئے ہیں جن میں 2 ممبران ڈھائی سال جبکہ 2 ممبران 5 سال تک الیکشن کمیشن کے لئے خدمات سر انجام دیں گے۔