اسلام آباد(ڈیسک)وزیراعلیٰ پنجاب شہباز شریف کا کہنا ہے کہ چین اور پاکستان کی باہمی مضبوط  معاشی تعلقات میں بدل چکی ہے ،چین کی پاکستان میں 55ارب ڈالر کی سرمایہ کاری دونوں ممالک کی مخلصانہ دوستی کی اعلیٰ مثال ہے ۔

ذرائع کے مطابق چین روانگی سے قبل وزیر اعلیٰ پنجاب شہباز شریف کا میڈیا سے گفتگو کرتے ہوئے کہنا تھا کہ نواز شریف کی قیادت میں پاکستان اور چین کے معاشی تعلقات نئی بلندیوں کو چھو رہے ہیں، حالیہ دورہ سے چین اورپنجاب کے مابین مختلف شعبوں میں معاشی تعاون بڑھے گا، پاک چین اقتصادی راہداری نے پاکستان میں بیرونی سرمایہ کاری کے دروازے کھول دئیے ہیں اور سی پیک کے تحت لگنے والے منصوبوں سے پاکستان میں ترقی و خوشحالی کا دوردورہ ہوگا۔ان کا کہنا تھا  کہ پاکستان اور چین کی دوستی مضبوط معاشی تعلقات میں بدل چکی ہے اور ہر گزرتے لمحے کے ساتھ دونوں ممالک کی دوستی مضبوط سے مضبوط تر ہوتی جا رہی ہے جبکہ چین کی پاکستان میں 55 ارب ڈالر کی سرمایہ کاری دونوں ممالک کی مخلصانہ دوستی کی اعلی مثال ہے۔ انہوں نے کہا کہ سی پیک کے تحت منصوبوں کی تکمیل سے حقیقی معنوں میں خطے کی تقدیر بدل جائے گی۔