سرینگر(ڈیسک)بے نظیر بھٹو شہید کی نویں برسی کے موقع پر جموں و کشمیر کے حریت رہنماء واعظ عمر فاروق نے بی بی کو خراج عقیدت پیش کیا۔
تفصیلات کے مطابق میر واعظ عمر فاروق نے بے نظیر بھٹو کی نویں برسی کے پر سوشل میڈیا ویب سائٹ ٹوئٹر پر اپنے ٹوئٹ میں محترمہ کو بھر پور انداز میں خراج عقیدت پیش کرتے ہوئے بلاول بھٹو زرداری کو دعا دی ہے کہ اللہ انہیں اپنی والدہ کے مشن کو آگے بڑھانے کا حوصلہ دے۔
دوسری جانب حریت رہنماء کے جواب میں بلاول بھٹو زرداری نے بھی ٹوئٹ کی ہے جس میں انہوں نے کہا کہ ان کے میر واعظ فاروق کے الفاظ بہت معنی رکھتے ہیں اور ان کے بہت شکر گزار ہیں، پوری قوم کشمیریوں ساتھ ان کی جدوجہد میں شانہ بشانہ کھڑی ہے۔
