کراچی(اسٹاف رپورٹر)وفاقی وزیر برائے  اطلاعات و نشریات مریم اورنگزیب کا کہنا ہے کہ مزار قائد پر لگایاجانے والا فانوس پاک چین دوستی کا ثبوت ہے۔

مزار قائدپر میڈیا سے گفتگو کرتے ہوئے وفاقی وزیر اطلاعات و نشریات مریم اورنگزیب کا کہنا تھا کہ پاکستان کو مردم شماری کی ضرورت ہے، ہم اس دور حکومت میں مردم شماری کریں گے جبکہ 25 دسمبر کے حوالے سے بات کرتے ہوئے مریم اورنگزیب کا کہنا تھا کہ 25 دسمبرکوتعلیمی اداروں میں خصوصی پروگرام کیےجائیں گے اور قائد اعظم نےہمیشہ آزادی صحافت کی بات کی۔

مریم اورنگزیب کا مزید کہنا تھا کہ دہشتگردی کے خلاف جنگ میں بھی چودھری نثار کا کردار اہم ہے، وزیرداخلہ چودھری نثار کے اقدامات کی ہرسطح پر حمایت ہونی چاہیے، چودھری نثار وزیراعظم کے وژن کے مطابق کام کررہے ہیں اور کراچی آپریشن کو تمام سیاسی جماعتوں کی حمایت حاصل ہے۔