لاہور (ڈیسک) گرمی   کی تیز   لہر  کے بعد مو سم  نے   کروٹ  بدلی  پنجاب کے مختلف علاقوں میں تیز ہوائیں اور آندھی جبکہ لاہور میں وقفے وقفے سے تیز اور ہلکی بارش کا سلسلہ جاری ہے۔

محکمہ  موسمیا ت  کے مطا بق  گرمی کی تیز لہر کے بعد موسم نے کروٹ بدل لی،بل آخر لاہور میں ابر کرم برس گیا،گرمی کے ستائے شہریوں کے چہرے خوشی سے کھل اٹھے گوجرانوالہ، سرگودھا، بھکراور بہاولنگر میں بھی بادل برسے، گرمی کے ستائے لوگوں نے سکھ کا سانس لیا۔ گلگت بلتستان کے ضلع اسکردو میں بارش اورپہاڑوں پر برف پڑی۔پنجاب کے وسطی علاقوں میں درجہ حرارت تین سے چار ڈگری نیچےآگیا ۔محکمۂ موسمیات نے آج سے آئندہ 3روز کے دوران ملک میں بارش کی پیشگوئی کی ہے۔ہفتےسے پیر،خیبرپختونخوا،فاٹا،گلگت بلتستان،کشمیرمیں آندھی،گرج چمک کیساتھ بارش کاامکان ہے۔اسلام آباد سمیت پنجاب میں بھی کہیں کہیں بارش کا امکان ہے۔اتوارسے پیرکوئٹہ،ژوب،سبی،نصیرآبادڈویژن میں چندمقامات پربارش کاامکان ہے۔میدانی علاقوں میں دن کےدرجہ حرارت میں3 سے5ڈگری سینٹی گریڈکمی متوقع ہے۔