لاہور(ڈیسک)پنجاب کے کئی علاقوں میں ہونے والی بارش سے موسم خوشگور ہوگیااور گرمی کا زور کم ہوگیا۔

ذرائع کے مطابق اسلام آباد، راولپنڈی، ٹیکسلا، لاہور ،سیالکوٹ،گجرات، گوجرانوالا، ٹوبہ ٹیک سنگھ، بہاولنگر، گوجرانوالہ اور منڈی بہاؤالدین سمیت کئی شہروں میں تیزہواؤں کے ساتھ بارش ہوئی تو حبس اور گرمی میں کمی آگئی، موسم خوشگوار ہوگیا۔ حافظ آباد اور کمالیہ میں صبح سے وقفے وقفے سے بارش کا سلسلہ جاری ہے۔محکمہ موسمیات کا کہنا ہے کہ آئندہ 24 گھنٹوں میں مالاکنڈ، ہزارہ، مردان، پشاور، کوہاٹ، بنوں، راولپنڈی، گوجرانوالہ، فیصل آباد، لاہور ڈویژن، اسلام آباد، بالائی فاٹا، گلگت بلتستان اور کشمیر میں چند مقامات پر تیز ہواؤں کے ساتھ بارش کا امکان ہےجبکہ ملک کے دیگر علاقوں میں موسم شدید گرم رہے گا۔