مظفر آباد(اسٹاف رپورٹر)آزاد کشمیر میں خوفناک زلزلے میں ہزاروں افراد کو صفحہ ہستی سے کوچ کرے ہوئے کو 11 برس بیت گئے۔
8 اکتوبر 2005 کو آنے والے تباہ کن زلزلے کی یاد میں آزاد کشمیر میں دیگر مقامات پر تقریبات کا انعقاد کیا جا رہا ہےجبکہ مرکزی تقریب مظفر آباد میں منعقد کی گئی جس میں وزیراعظم آزاد کشمیر راجہ فاروق حیدر سمیت دیگر رہنماو ں نے یادگار شہداء پر حاضری دی اور فاتحہ خوانی بھی کی اور یادگار شہداء پر ایک منٹ کی خاموشی بھی اختیار کی گئی اور 8 بج کر 52 منٹ پر سائرن بھی بجائے گئے۔
واضح رہے کہ 8 اکتوبر 2005 کو رمضان المبارک کے مہینے میں صبح 8 بج کر 52 منٹ پر آنے والے شدید زلزلے کے باعث 74 ہزار افراد لقمہ اجل بن گئے تھے، زلزلے میں سیکٹروں افراد لاپتہ اور ہزاروں بے گھر بھی ہوئے جب کہ ہزاروں مکانات اور سڑکیں مکمل طور پر تباہ ہو گئے تھے۔
