لاس اینجلس (اسٹاف رپورٹر)ہالی ووڈ میں عظیم صوفی شاعر جلال الدین رومی کی زندگی پرمبنی فلم بنائی جارہی ہے۔ہالی ووڈ رکی ایک رپورٹ کے مطابق ہولی ووڈ مصنف ڈیوڈ فرینزونی اور پروڈیوسر سٹیفن جوئل براؤن کی مشترکہ کاوشوں سے عظیم صوفی شاعر کی زندگی پر مبنی فلم پر کام کیا جارہا ہے جبکہ اس فلم کے متعلق ان کا دعویٰ ہے کہ یہ فلم مغربی سینما میں مسلمانوں کے بارے میں پائے جانے والے منفی تاثر کو یکسر تبدیل کر دے گی۔
لیکن اس حوالے فلم ناقدین کا کہنا ہے کہ کیا فلم اپنے مقصد میں پوری اتر پائے گی، لیکن ایسا کیوں؟ہولی ووڈ مصنف اور ہدایت کار اس سوانح حیات کے لیے ہالی ووڈ اداکار لیونارڈو ڈی کیپریو کو ’رومی‘ کے کردار جبکہ روبرٹ ڈاؤننگ جونئیر کو ’شمس آف تبریز‘ کے کردار کے لیے انتخاب کرنے پر غور کر رہے ہیں۔تاہم ٹوئٹر پر اس خیال کو زیادہ پسند نہیں کیا جارہا۔لوگوں نے دونوں ہالی ووڈ اداکاروں کو یہ کردار ادا کرنے کے خیال پر تنقید کا نشانہ بنایا۔لوگوں کا کہنا ہے کہ لیونارڈو ڈی کیپریو اور رابرٹ ڈاؤننگ ان کرداروں کو بخوبی انداز میں نہیں نبھا سکتے ہیں۔
