نیویارک (اسٹاف رپوٹر) ہالی ووڈ کے آسکر ایوارڈ یافتہ فلم ڈائریکٹر اولیور اسٹون کی فلم اسنوڈن کا پہلا ٹریلر جاری کردیا گیا، فلم کا مکالمہ، وہ میرے لیے آرہے ہیں اور وہ تمہارے پیچھے پیچھے بھی آئیں گے، انٹرنیٹ پر کافی مقبول ہوگیا۔

امریکہ کی خفیہ کارروائیوں کا پردہ فاش کرکے عالمی دنیا میں ہلچل مچانے والے سابق سی آئی اے اہلکار ایڈورڈ اسنوڈن پر ہالی وڈ فلم 16 ستمبر کو ریلیز کی جانی ہے، فلم اسنوڈن کا پہلا ٹریلر جاری کردیا گیا ہے، فلم میں مرکزی کردار جوزف گورڈن لیوٹ ادا کررہے ہیں۔

سماجی رابطے کی ویب سائٹ پر ایڈورڈ اسنوڈن نے فلم کے ٹریلیر ریلیز ہونے پر لکھا ہے کہ نیشنل سیکورٹی ایجنسی کے ہر فرد نے 2منٹ انتالیس سیکنڈ کیلئے کام روک دیا ہوگا۔