بدین (اسٹاف رپورٹر) ڈاکٹر ذوالفقار مرزا کہتے ہیں کہ پرویز مشرف اور متحدہ قومی موومنٹ گرینڈ الائنس کا حصہ بنے تو وہ الائنس چھوڑدیں گے۔ بدین کے جیم خانہ ہال میں بلدیاتی انتخابات میں کامیاب ہونے والے نمائندوں کی تقریبِ حلف برداری میں شرکت کے موقعے پر سابق صوبائی وزیر داخلہ کا کہنا تھا کہ انتخابات پہلے بھی شفاف نہیں ہوئے اور اب بھی شفاف نہیں ہوں گے، ذوالفقار مرزا نے کہا کہ سیاسی جماعت بنانا کوئی آسان کام نہیں ہے، جلد اپنی پارٹی بنارہا ہوں، میری وکلا کی ٹیم پارٹی کا آئین تشکیل دے رہی ہے۔