سانگھڑ (نیوز ڈیسک) سانگھڑ میں ہینڈ پمپ کا زہریلا پانی پینے سے 5 بچے انتقال کر گئے۔
سانگھڑ کے گاؤں نیاز بھٹی میں 3 روز کے دوران 5 کمسن بچوں کی اموات واقع ہوئیں۔
ڈپٹی کمشنر سانگھڑ کے مطابق بچوں کو اُلٹی،بخار اور ڈائیریا کی شکایت پر اسپتال لایا گیا تھا۔
فوت ہونے والے بچوں کی عمریں 4 سے 8 سال کے درمیان ہیں۔
ڈسٹرکٹ ہیلتھ آفیسر کے مطابق بچوں کی اموات زرعی زمین میں لگے ہینڈ پمپ کا پانی پینے سے ہوئیں۔
لیبارٹری ٹیسٹ کے مطابق ہینڈ پمپ کا پانی زہریلا ہے جس کو سیل کردیا گیا ہے۔