لکھنٔو (ڈیسک) بھارت میں جاری ورلڈ کپ کے دسویں میچ میں آسٹریلیا نے ٹاس جیت کر جنوبی افریقا کو بیٹنگ کی دعوت دے دی۔
انڈیا کے شہر لکھنٔو میں کھیلے جا رہے اس میچ میں آسٹریلوی ٹیم کی قیادت پیٹ کمنز اور جنوبی افریقی ٹیم کی قیادت ٹیمبا باووما کر رہے ہیں۔
جنوبی افریقہ ٹیم کے کپتان ٹیمبا باووما نے میچ شروع ہونے سے قبل میڈیا سے گفتگو کرتے ہوئے بتایا کہ اسکواڈ میں معمولی تبدیلی کی گئی ہے، کوئٹزی اس میں شامل نہیں ہیں، جب کہ ان کی جگہ تبریز شمسی کو کھلانے کا فیصلہ کیا گیا ہے۔
ٹاس وننگ کیپٹن پیٹ کمنز نے کا کہنا تھا کہ جنوبی افریقا پر دباؤ ڈالنے کی پوری کوشش کریں گے، انھوں نے بتایا کہ ٹیم میں 2تبدیلیاں کی گئی ہیں، کیمرون گرین اور ایلکس کیری کو اس میچ سے ڈراپ کیا گیا ہے، جب کہ ان کی جگہ پر مارکس اسٹوئنس اور جوش انگلس کو میچ کھلانے کا موقع دیا جا رہا ہے۔
انھوں نے کہا کہ ہر میچ کو چیلنج سمجھ کر کھیلتے ہیںمگر جنوبی افریقا کے خلاف کھیلنا ہمیشہ چیلنج ہوتا ہے۔
دونوں ٹیموں کا اس ورلڈ کپ میں یہ دوسرا میچ ہے۔
پہلے میچ میں جنوبی افریقہ نے آسٹریلیا کو پچھاڑ دیا تھا، دیکھنا ہے کہ اس میچ میں کیا صورت حال پیش آتی ہے۔