رپورٹ :رحمت مراد
شہرقائد کوپاکستان کا معاشی حب یا معاشی شہ رگ سمجھا جاتا ہے اور اس کی اہمیت سےکوئی انکار نہیں کر سکتا، سیاسی حوالے سے کراچی اس وقت ایک الگ منظر پیش کر رہاہے۔ متحدہ قومی موومنٹ( ایم کیو ایم ) دھٹروں میں تقسیم ہو گئی اور 1985 سے اب تک پہلی بارکراچی میں مائنس الطاف کے انتخابات ہو رہے ہیں پاکستان پیپلز پارٹی دس سالہ دورِ اقتدار میں وہ کارکردگی نہ دکھا سکی جس کی عوا م کو توقع تھی۔ اب جبکہ کراچی سیاسی حوالے سے ایک الگ منظر پیش کر رہا ہے اور پاکستانی سیاست میں خاص اہمیت اختیار کر چکاہے ، یہی وجہ ہے کہ پاکستان تحریک انصاف اور پاکستان مسلم لیگ(ن) سمیت دیگر سیاسی جماعتوں نے بھی براہ راست کراچی سے انتخابات لڑنے کا فیصلہ کیا ہے۔
2018 کے انتخابات میں کون سے سیا سی رہنما کراچی میں آمنے سامنے ہوں گے ۔
عمران خان:
پاکستان تحریک انصاف کے چیئر مین عمران خان کراچی کے حلقہ این اے 243 سے الیکشن لڑیں گے جہاں ان کا مقابلہ پیپلز پارٹی کی شہلا رضا، پی ایس پی کے سید شفیق اور ایم کیو ایم پاکستان کے علی رضا عابدی سے ہو گا ۔
شہباز شریف:
شہباز شریف کراچی کے حلقہ این اے 249 کراچی ویسٹ ٹو سے پہلی مرتبہ میدان میں اتریں گے جہاں ان کا مقابلہ تحریک انصاف کے امیدوار فیصل واوڈا ،پی ایس پی کے سید حفیظ الدین اور پاکستان پیپلز پارٹی کے قادر خان منداخیل سے ہوگا ،
بلاول بھٹو:
کرچی کے حلقہ این اے 246 لیاری سے چیئرمین پیپلز پارٹی بلاول بھٹو زرداری کا مقابلہ کرنے کے لیے ایم کیوایم پاکستان کے محفوظ یار خان اور پاکستا ن تحریک انصاف کے عبدالشکور شاد میدان میں اترےہیں جبکہ پی ایس پی کے فوزیہ قصوری بھی اسی حلقے سے بلاول کے مد مقابل ہوں گی ۔
مصطفیٰ کمال:
کراچی کےحلقہ این اے 253 سے پاک سرزمین پارٹی کے سربراہ مصطفیٰ کمال میدان میں اتریں گے جہاں ان کے مدِ مقابل ایم کیو ایم پاکستان کے اسامہ قادری اور پی ٹی آئی کے محمد اشرف جبار اور پیپلز پارٹی کے امجد اللہ خان ہوں گے ۔
ڈاکٹر فاروق ستار:
ایم کیو ایم پاکستان کے رہنماڈاکٹر فاروق ستار این اے 245 اور 247 سے انتخاب لڑیں گے۔؎
این اے 245 سے پاکستان تحریک انصاف کے عامر حسین اور پاکستان پیپلز پارٹی کے فرخ نیاز تنولی فاروق ستار کے مد ِ مقابل ہوں گے جبکہ 247 سے فاروق ستار کامقابلہ پی ٹی آئی کے ڈاکٹر عارف علوی ، پیپلز پارٹی کے عبدالعزیز میمن اور پی ایس پی کے یوسف شاہوانی سے ہو گا
خالد مقبول صدیقی :
ایم کیو ایم کے ڈپٹی کنوینئر خالد مقبول صدیقی این اے 255 سے انتخاب لڑیں گےجہاں ان کے ٹاکرے میں پی ٹی آئی کے محمد باقی مولوی ،پاکستان پیپلز پارٹی کے ظفر صدیقی اور پی ایس پی کے عادل صدیقی میدان میں اتریں گے ۔
