گھوٹکی (نیوز ڈیسک) گھوٹکی میں نارو واہ کینال پر پل کے ٹوٹے حصے سے 3 افراد نہر میں گر گئے۔
پولیس کا کہنا ہے کہ اوباڑو میں نارو واہ کینال میں صبح سویرے 7 سالہ بچہ پل کراس کرتے ہوئے گر کر ڈوب گیا۔
بچے کی تلاش کے لیے ریسکیو آپریشن میں تاخیر پر ورثا نے پریس کلب کے باہر شدید احتجاج کیا۔
اسسٹنٹ کمشنر اوباڑو کے مطابق محکمہ آبپاشی کو فوری طور پر نہری پانی کا بہاؤ کم کرنے کے احکامات دیے جبکہ نیوی کے ماہر غوطہ خوروں کی ٹیم سکھر سے روانہ ہوگئی ہے۔
بعد ازاں 2 موٹر سائیکل سوار بھی پل کے اسی حصے سے نہر میں گرگئے تاہم ریسکیو ٹیموں کے انتظار میں موجود علاقہ مکینوں نے دونوں افراد کو ڈوبنے سے بچالیا۔
گھوٹکی، پل کے ٹوٹے حصے سے بچہ اور 2 موٹرسائیکل سوار نہر میں گر گئے
