اسلام آباد (ڈیسک) انگلینڈ کرکٹ ٹیم کے مایہ ناز اوپننگ بلے باز ایلکس ہیلز نے کہا ہے کہ میزبان ٹیم کو دوسرے ٹی ٹونٹی میچ میں بھی شکست دے کر تین میچوں کی سیریز میں 0-2 کی فیصلہ کن برتری حاصل کریں گے۔

انہوں نے کہا کہ کینگروز کو اس کی سرزمین پر شکست دینا آسان نہیں ہے تاہم پہلے ٹی ٹونٹی میچ میں ان کے خلاف کامیابی کے بعد ٹیم کو مورال بلند ہوا ہے۔ انہوں نے کہا کہ ان کی ٹیم نے کینگروز کے خلاف ٹی ٹونٹی سیریز کے لئے بھرپور تیاری کر رکھی ہے۔ کینگروز کے خلاف ابتدائی میچ میں عمدہ بیٹنگ کی بدولت مین آف دی میچ کا اعزاز پانے والے ایلکس ہیلز نے اپنے ایک بیان میں کہا کہ وہ مکمل طور پر فٹ اور بھرپور فارم میں ہیں اور کینگروز کے خلاف دوسرے ٹی ٹونٹی میچ میں شرکت کے لئے بے تاب ہیں۔ انہوں نے کہا کہ وہ دوسرے میچ میں بھی عمدہ بیٹنگ کا مظاہرہ کرتے ہوئے اپنی ٹیم کی فتح میں اہم کردار ادا کریں گے۔33 سالہ ہیلز نے کہا کہ ان کی ٹیم میں ایسے کھلاڑی موجود ہیں جو کسی بھی وقت میچ کا پانسہ پلٹنے کی صلاحیت رکھتے ہیں۔ ایک سوال کے جواب میں انہوں نے اپنی ٹیم کو خبردار کرتے ہوئے کہا کہ کینگروز کے خلاف سیریز میں کامیابی کے لئے ٹیم کو تینوں شعبوں میں سو فیصد کارکردگی کا مظاہرہ کرنا ہوگا۔واضح رہے کہ آسٹریلیا اور انگلینڈ کے درمیان دوسرا ٹی ٹونٹی میچ 12 اکتوبر کو کینبرا میں کھیلا جائے گا۔