ریاض(ڈیسک)سعودی عرب کی وزارت صحت کے ترجمان ڈاکٹر محمد العبد العالی نے کہا ہے کہ ملک میں منظورشدہ کوئی بھی ویکسین معطل نہیں کی گئی ہے۔

مقامی اخبار کے مطابق سعودی وزارت صحت کے ترجمان ڈاکٹر محمد العبد العالی نے گزشتہ روز نئے کورونا وائرس کی تازہ صورتحال سے متعلق پریس کانفرنس میں بریفنگ کے دوران بتایا کہ ملک میں منظورشدہ کوئی بھی ویکسین معطل نہیں کی گءجبکہ بعض یورپی ممالک نے احتیاطی تدبیر کے طور پر ایسٹرازینیکا ویکسین معطل کردی ہے۔ ترجمان کا کہنا ہے کہ بڑی عمر کے لوگوں کے لیے ویکسین لینا زیادہ ضروری ہے۔ڈاکٹر العبد العالی نے بزرگوں سے کہا کہ وہ اپنی حفاظت کے لیے کورونا ویکسین پہلی فرصت میں لگوالیں۔انہوں نے کہاکہ بعض لوگوں کا یہ خیال کہ حد سے زیادہ حساسیت (الرجی) میں مبتلا افراد کے لیے کورونا ویکسین ٹھیک نہیں، یہ خیال غلط ہے۔