کشمور (نیوز ڈیسک) کشمور میں پولیس اور ڈاکوؤں کے درمیان مقابلے میں ایس ایچ او اور ایک ڈاکو زخمی ہوگیا۔
ایس ایس پی کشمور بشیر احمد بروہی کے مطابق پولیس محمود آباد میں ڈاکوؤں کی موجودگی کی اطلاع پر پہنچی تھی۔
پولیس کو دیکھتے ہی ڈاکوؤں نے فائرنگ کردی جس سے ایس ایچ او بی سیکشن پولیس اسٹیشن مولا بخش بگٹی زخمی ہوگیا پولیس نے جوابی کارروائی کرتے ہوئے ایک ڈاکو کو زخمی حالت میں گرفتار کرلیا۔
دریں اثناء کندھ کوٹ میں انڈس ہائی وے دڑی کے مقام پر ڈاکوؤں نے گاڑی پر فائرنگ کرکے نجی کمپنی کے سکیورٹی ملازمین کو زخمی کردیا۔
پولیس کے مطابق ڈاکوؤں نے سکیورٹی ملازمین سے لوٹ مار کی اور اسلحہ بھی چھین لیا۔
کشمور: ڈاکوؤں سے فائرنگ کا تبادلے میں ایس ایچ او زخمی
