واشنگٹن (نیوز ڈیسک) امریکا کے نومنتخب صدر ڈونلڈ ٹرمپ نے قومی انٹیلی جنس کے سابق ڈائریکٹر جان ریٹکلف کو سینٹرل انٹیلی جنس ایجنسی کا ڈائریکٹر نامزد کردیا۔
خبر رساں ادارے رائٹرز کے مطابق ڈونلڈ ٹرمپ نے اپنے بیان میں کہا ہے کہ نیشنل انٹیلی جنس کے سابق ڈائریکٹر جان ریٹکلف ڈائریکٹر سی آئی اے کے طور پر کام کریں گے۔
خبر رساں ادارے کے مطابق ڈونلڈ ٹرمپ کے قریبی ساتھی ریٹکلف نے ٹرمپ کے پہلے دور حکومت میں ڈائریکٹر قومی انٹیلی جنس کے طور پر خدمات سرانجام دیں۔
واضح رہے کہ ریٹکلف پر ڈیموکریٹس اور سابق انٹیلی جنس اہلکاروں نے ڈونلڈ ٹرمپ اور ان کے ریپبلکن اتحادیوں کے ذریعے سیاسی مخالفین پر حملہ کرنے کا الزام لگایا تھا تاہم ریٹکلف کے دفتر نے ان الزامات کی تردید کی ہے۔